​​Lacazette: Lojtarët mbështesin Emeryn
BKT
Sport

​​Lacazette: Lojtarët mbështesin Emeryn

Sulmuesi i Arsenalit, Alexandre Lacazette ka thënë se lojtarët e mbështesin trajnerin Unai Emery.

Arsenal vazhdon me rezultate jo të mira në kampionatin anglez gjë që ka shkaktuar shumë kritika për teknikun spanjoll. Shumë persona kanë kërkuar edhe shkarkimin e tij gjatë afatit dimëror, por  futbollisti francez thotë se lojtarët kanë besim te trajneri i tyre. 

“E mbështesim trajnerin dhe jam i sigurt që edhe klubi beson. Jemi duke punuar së bashku. Jemi duke bërë gjithçka për t’u përmirësuar. Nuk jemi në formën më të mirë, por mbesim liderë në Ligën e Evropës. Duhet të punojmë dhe të qetësohemi, andaj mund të vazhdojmë përpara”, deklaroi ai.

Arsenal është në vendin e shtatë në tabelë me 17 pikë, 17 më pak se lideri Liverpool.