12:44 / 23.11.2019
Gjashtë klube të mëdha evropiane e duan yllin e Juventusit
Emre Can është bërë njëri nga lojtarët më të kërkuar nga skuadrat e mëdha europiane.
Mesfushori gjerman ka paralajmëruar largimin nga Juventusi gjatë merkatos së janarit.Can nuk po preferohet nga trajneri Maurizio Sarri i cili e ka lënë gjermanin jashtë listës së lojtarëve për Ligën e Kampionëve.
Paris Saint Germain, Manchester United, Betis, Monaco e Bayern Munich janë skuadrat e interesuara për lojtarin. Por listës i është shtuar edhe gjiganti tjetër gjerman Borussia Dortmund që kërkon rikthimin e tij në Bundesliga.
Verdhezinjtë kanë çaluar këtë sezon në mesfushë dhe shohin Can-in si lojtarin ideal për t’i zgjidhur problemet në këtë repart.
Juventus është gati të heqë dorë nga ylli gjerman, por kërkon që të fitojë së paku 35 milionë euro.























