Ndihma për Shqipërinë, Haradinaj kërkon mobilizim nga FSK dhe Policia
BKT
Lajme

Ndihma për Shqipërinë, Haradinaj kërkon mobilizim nga FSK dhe Policia

Kryeministri në detyrë, Ramush Haradinaj, ka zhvilluar një bisedë telefonike me presidentin e Shqipërisë, Ilir Meta, të cilit ka shprehur solidaritetin e Kosovës për të ofruar tërë ndihmën e nevojshme për të përballuar situatën e rëndë në Shqipëri.

Haradinaj tha se i ka kërkuar nga Komandanti i FSK-së, Rrahman Rama, drejtori i Policisë Rashit Qalaj, që të mobilizojnë të gjitha njësitet emergjente për t’i dalë në ndihmë shtetit dhe qytetarëve të Shqipërisë me të gjitha kapacitetet e nevojshme.

“Sapo kam zhvilluar një bisedë telefonike me Presidentin Ilir Meta, të cilit i shpreha solidaritetin dhe gatishmërinë e popullit të Kosovës për të ofruar tërë ndihmën e nevojshme për të përballuar këtë situatë të rëndë në Shqipëri. Kam kërkuar nga Gjenerali Rrahman Rama, Drejtori i Policisë Rashit Qalaj, që të mobilizojnë të gjitha njësitet emergjente për t’i dalë në ndihmë shtetit dhe qytetarëve të Shqipërisë me të gjitha kapacitetet e nevojshme”, shkroi Haradinaj.


MË SHUME NGA Lajme