11:25 / 26.11.2019
Thellohet tragjedia, konfirmohet edhe viktima e nëntë
Ministria e Mbrojtjes së Shqipërisë përmes një informacioni paraprak në lidhje me numrin e viktimave nga termeti që ka goditur vendin mëngjesin e kësaj të marte në Shqipëri.
Sipas ministrisë ka shkuar në 9 numri i viktimave dhe qindra të plagosur po marrin ndihmë mjeksore në Tiranë dhe në Durrës.
Viktima e fundit është nxjerrë nga rrënojat në Thumanë ndërkohë vijon puna për shpëtimin e jetëve të tjera në Thumanë dhe Durrës.
Ndërkohë deri më tani 28 persona janë shpëtuar deri tani në Durrës e Thumanë dhe janë dërguar për asistence mjekësore.























