Cavani arrin marrëveshje me Atletico Madridin
BKT
Sport

Cavani arrin marrëveshje me Atletico Madridin

Edinson Cavani karrierën do ta vazhdoj në kampionatin spanjoll La Liga.

Sulmuesi uruguaian është futur në vitin e fundit të kontratës me skuadrën franceze Paris Saint Germain dhe pritet të largohet.

PSG nuk i ka ofruar kontratë të re atij dhe ai tanimë ka arritur marrëveshje me Atletico Madridin.

Mediat spanjolle kanë raportuar se agjenti i lojtarit ka qëndruar në Madrid ku ka arritur marrëveshje me klubin spanjoll.

Cavani do të nënshkruajë një kontratë tri vjeçare me Los Colchoneros pasi ishte dëshira e madhe e trajnerit Diego Simeone.

Interesim për sulmuesin 32-vjeçar kishin shprehur edhe dy skuadrat italiane Inter dhe Napoli.