20:24 / 30.12.2019
Haradinaj: Kurti nuk e ka fokusim formimin e Qeverisë
Kryeministri në detyrë Ramush Haradinaj nuk po sheh interesim të Albin Kurtit për ta formuar Qeverinë.
Këto komente për liderin e Lëvizjes Vetëvendosje, Haradinaj I ka bërë në “Debat” te RTK.
“Kurti e ka më shumë që të jetë ai në kauzë dhe jo t’u jipen zgjidhje problemeve. Kurti ka qëllim që të jetë pjesë e kauzës që është çdo herë në rritje. Ai nuk e ka fokusim formimin e Qeverisë. Për fat të keq kjo është një kosto e madhe për Kosovën. Një qasje e tillë është e rrezikshme. Është e pakuptimtë pse zoti Kurti nuk fokuson energjitë e veta në krijimin e Qeverisë”, ka thënë Haradinaj.























