18:15 / 31.12.2019
Kosova qëndron pranë Amerikës në përpjekjet për t’i dhënë fund terrorizmit
Presidenti i vendit Hashim Thaçi ka thënë se me shqetësime po ndjek zhvillimet në ambasadën amerikane në Bagdad.
Thaçi nëpërmjet një postimi në 'Twitter' ka bërë të ditur se dënon ashpër shkeljen e dhunshme të kompleksit të ambasadës nga protestuesit atje, duke pohuar se Kosova qëndron pranë SHBA-ve në përpjekje për t’i dhënë fund terrorizmit.
Sipas Thaçit, Kosova do të jetë aleat për vendosjen e paqes së qëndrueshme në botë.
”Duke ndjekur nga afër zhvillimet shqetësuese në @USEmbBaghdad, pasi ne dënojmë me forcë shkeljen e dhunshme të kompleksit të Ambasadës nga protestuesit. #Kosova qëndron pranë Shteteve të Bashkuara të Amerikës në përpjekjet për t’i dhënë fund terrorizmit dhe vendosjes së paqes së qëndrueshme në botë” ka shkruar Thaçi.























