Haradinaj: Shaban Shala ishte patriot i vërtetë
Kryeministri në detyrë, Ramush Haradinaj në tetë vjetorin e vdekjes së Shaban Shalës, ka thënë se ai ishte personazh i epokave më të ndritura të historisë së Kosovës.
Haradinaj ka shkruar në Facebook se para luftës ishte në organizimet atdhetare që i paraprinë themelimit të UÇK-së, ndërsa në luftë u shqua si organizator dhe prijës i saj.
“I ndershëm, besnik dhe patriot i vërtetë, do vazhdonte kontributin e tij në ndërtimin e vendit, me theks të veçantë themelimin e zhvillimin e TMK-së dhe FSK-së. 8 vite më parë, ai iu bashkua të vëllait dëshmor Bedriut e shumë bashkëluftetarëve të tjerë, duke lënë zbrazëtirë të madhe në proceset shtetndërtuese, por duke mbetur përgjithmonë në kujtesën historike. Lum Atdheu që kishte burra si ai”, ka shkruar ai.























