Kurti takohet me zyrtarët amerikanë
BKT
Lajme

Kurti takohet me zyrtarët amerikanë

Lideri i Lëvizjes Vetëvendosje, Albin Kurti është takuar sot me dy kongresmenë amerikanë.

Kurti ka pritur në takim Kongresmenin Earl Pomeroy dhe Pia Pyle që të dy pjesë e ekipit të senatorit Robert Dole.

Këtë e ka bërë të ditur deputeti i VV-së, Haki Abazi nëpërmjet një postimi në Facebook ku është shprehur se në këtë takim është biseduar për rëndësinë e bashkëpunimit midis Kosovës dhe ambasadës së SHBA-ve në Kosovë.

Ai ka informuar gjithashtu se Kurti është ftuar të vizitojë SHBA-të.

Ky është postimi i tij i plotë:

Sot, paradite në selinë qendrore të LVV, kryetari i LVV Albin Kurti ka pritur në takim Kongresmenin z. Earl Pomeroy dhe znj. Pia Pyle, që të dy pjesë e ekipit të Senatorit të mirënjohur z. Robert (Bob) Dole.

Biseda u zhvillua në atmosferë shumë miqësore dhe të ngrohtë. Nga të dy palët u bë përmbledhje e marrëdhënieve dhe kontributit të senatorit Dole dhe zyrtarëve tjerë Amerikan për procesin e shtetndërtimit. Gjithashtu u reflektua mbi rëndësinë e bashkëpunimit, informimit të rregulltë e të dyanshëm dhe hapave konkret drejtë avancimit të marrëdhënieve bilaterale, në koordinim me Ambasadën e Shteteve të Bashkuara të Amerikës ne Kosovë.

Në përmbyllje të takimit u shkëmbyen ftesat për vizitë të z. Kurti në SHBA.


MË SHUME NGA Lajme