Lidhshmëria në mes të stresit akut dhe thinjave të parakohshme
BKT
Lifestyle

Lidhshmëria në mes të stresit akut dhe thinjave të parakohshme

Është thënë që stresi është një nga shkaqet kryesore, që ju dalin thinjat e parakohshme, mirëpo deri tani nuk është ditur mekanizmi si dhe pse ndodhë ky fenomen?

Një studim i fundit i bërë nga Unversiteti i Harvardit mendohet se e ka përgjigjen. Këta hulumtues besojnë se kjo ka të bëjë me sistemin simpatik nervor, i cili njihet për aktivizimin e përgjigjeve të organizmit ndaj rrezikut.

“Nëse jemi në stres sistemi jonë simpatik aktivizohet plotësisht”, tha Ya Hsu, profesor dhe autor i hulumtimit. “Kjo përgjigje është natyrale si dhe bëhet me qëllim të mbrojtjes së organizmit nga agjentë të huaj”.

Noradrenalina, e cila është një neurotransmiter i prodhuar në sistemin nervor, e rrit frekuencën e rrahjeve të zemrës si përgjigje ndaj stresit, mirëpo njëkohësisht ndikon në humbjen e melanociteve, qeliza këto që i japin ngjyrë flokëve.  

Si rezultat ekipi nga Universiteti i Harvardit me anë të eksperimentit të bërë në minj, ka ardhur në përfundim që stresi akut e sulmon sistemin imun dhe qelizat që e prodhojnë ngjyrën e flokëve.