“Ku është BE-ja?”, eksperti i Ballkanit komenton ofensivën e Grenellit
Sharr Travel

“Ku është BE-ja?”, eksperti i Ballkanit komenton ofensivën e Grenellit

Katër muaj pas emërimit në pozitën e të dërguarit të posaçëm të Presidentit të SHBA’së për dialogun Kosovë-Serbi, Richard Grenell, ka realizuar një marrëveshje për hapjen e hapsirës ajrore Prishtinë-Beograd, ndërkohë të hënën në Berlin do të takohet me ekspertë të dy shteteve në përpjekjen e radhës edhe për hapjen e linjës hekurudhore Kosovë-Serbi.

E në gjithë këto përpjekje nuk është dëgjuar fare asnjë reagim i Bashkimit Evropian apo Përfaqësuesit të Lartë për Politikë të Jashtme, Josep Borell, i cili kishte paralajmëruar vizitë në Kosovë.

Kjo heshtje e BE-së dhe mos përfshirje në gjithë këto përpjekje për marrëveshje Kosovë – Serbi i ka rënë në sy ekspertit për Ballkanin Perëndimor, Florian Bieber.

“Ku është Bashkimi Evropian”, pyet me habi Bieber, duke aluduar se SHBA-të po kryejnë me shpejtësi marrëveshjet në Ballkan. 

 

Këtë reagim ai e ka bërë në një lajmërim të ambasadës së SHBA-së ne Beograd, ku tregohej për vizitën e Grenellit dhe përpjekjen e këtij të fundit në cilësinë e Përfaqësuesit Special për riaktivizimin e linjës hekurudhore Kosovë-Serbi.

Për këtë marrëveshje do të diskutohet të hënën në Berlin me ekspertë të dy shteteve.


MË SHUME NGA Aktuale