19:16 / 29.01.2020
Hoxhaj: I lumtur që pika e përbashkët kufitare Stanqiq-Bellanoc është gati
Zëvendëskryeministri në detyrë, Enver Hoxhaj, ka thënë se ndihet i lumtur që pika e përbashkët kufitare Stanqiq-Bellanoc është gati dhe do të hapet këtë fundjavë për qytetarët.
Ai ka falenderuar Komisionin Shtetëror të Kosovës për Shënjimin dhe Mirëmbajtjen e Kufirit si dhe Qeverinë e Maqedonisë së Veriut.
Postimi i plotë:
Pas shumë vitesh stërzgjatje e ngecje, jam i lumtur që pika e përbashkët kufitare Stanqiq-Bellanoc është gati dhe do të hapet këtë fundjavë për qytetarët. Faleminderit Komisionit Shtetëror të Kosovës për Shënjimin dhe Mirëmbajtjen e Kufirit e institucioneve të tjera për bashkëpunimin dhe Qeverisë maqedonase që për një vit, falë vullnetit politik, ka përfunduar ky projekt, i cili për vite të tëra ishte i bllokuar.























