Përfaqësuesit e partive do takohen me Borrellin, Veseli e bojkoton
BKT
Lajme

Përfaqësuesit e partive do takohen me Borrellin, Veseli e bojkoton

Kryetari i Vetëvendosjes Albin Kurti, ai i LDK-së Isa Mustafa dhe ai i Nismës Fatmir Limaj iu kanë përgjigjur pozitivisht ftesës për takim me shefin e diplomacisë evropiane Josep Borrell.

Ata kanë shkuar në ndërtesën e Kuvendit ku pritet që të takohen me Borrell në orën 12 e 30.

Në takim do të jetë edhe përfaqësuesi i Listës Serbe Sllavko Simiq si dhe Besnik Tahiri nga Aleanca për Ardhmërinë e Kosovës.

Takimin me Borrell e ka bojkotuar PDK, ku kryetari i saj Kadri Veseli tha se takimi i sotëm është i pakuptimtë pasi zhvillohet në kushtet e mos ekzistencës së Qeverisë dhe institucioneve të reja. Sipas tij, aktualisht çdo iniciativë për rinisje të dialogut është i tejkaluar dhe i paqëndrueshëm.

Josep Borrell është takuar edhe me presidentin e Kosovës Hashim Thaçi, takim ky që përfundoi minuta më herët.


MË SHUME NGA Lajme