Nis takimi i Kurtit me përfaqësuesit e minoriteteve
BKT
Lajme

Nis takimi i Kurtit me përfaqësuesit e minoriteteve

Kryetari i Lëvizjes Vetëvendosje, Albin Kurti është duke zhvilluar një takim me përfaqëesuesit parlamentarë të minoriteteve: Veton Berisha dhe Etem Arifi.

Në takim ishte paralajmëruar të merrte pjesë edhe Duda Balje por ajo po qëndron në Prizren ku edhe ndodhet përfaqësuesi i lartë i BE-së, Josep Borrell, njofton Klan Kosova.

Takimi mes Kurtit dhe përfaqësuesve të minoriteteve po mbahet në Kuvendin e Kosovës.

Kurti rreth orës 16:00 do të takojë edhe përfaqësues të Listës Serbe.

“Kryetari Albin Kurti, në kuadër të bisedimeve për të krijuar Qeverinë, përveç diskutimeve intensive me partnerin kryesor qeverisës LDK-në, do të takohet edhe me përfaqësuesit parlamentarë të minoriteteve, përfshirë edhe minoritetin serb”, ka thënë gjatë ditës për klankosova.tv., zëdhënësi i Vetëvendosjes, Arlind Manxhuka.


MË SHUME NGA Lajme