Dy vite “Gunner”, gola dhe festime të çmendura nga Aubameyang
Pierre Emerick-Aubameyang është një ndër sulmuesit më të mirë në botë dhe padiskutim një ndër blerjet më të suksesshme të Arsenalit.
Klubi londinez zyrtarizoi firmën me sulmuesin nga Gaboni ditën e fundit të merkatos së janarit në vitin 2018 dhe Auba, ka dy vite si futbollist i “Topçinjve”.
Që në ndeshjen e parë debutuese, bomberi arriti të shënojë në atë fitore 1-5 në transfertë kundër Everton. Më pas, pjesa tjetër e historisë së tij të deritanishme me “Topçinjtë”, është e mbushur me gola dhe me festime të çmendura.
Sezonin e shkuar, i pari i plotë në Premier League, Aubameyang arriti të shënojë 22 gola, duke ndarë “Këpucën e Artë” së bashku me Salah dhe Mane.
Edhe këtë sezon, 30 vjeçari e ka nisur në mënyrën e duhur, ku ka shënuar 14 gola deri më tani në kampionat.























