16:08 / 06.02.2020
Thaçi ngushëllon Turqinë për viktimat e ortekut dhe aksidentit me aeroplan
Presidenti i Kosovës Hashim Thaçi ka ngushëlluar Turqinë për viktimat e ortekut si dhe të aksidentit me aeroplan në Stamboll.
Thaçi përmes një postimi në Twitter ka thënë se Kosova i qëndron pranë popullit dhe Qeverisë së Turqisë.
“Thellësisht i pikëlluar nga humbja e jetëve si pasojë e ortekut në Bahçesaray dhe aksidentit me aeroplan në Stamboll. I qëndrojmë pranë popullit dhe Qeverisë së Turqisë. Ngushëllime familjeve të viktimave dhe shërim të shpejtë të lënduarve”, ka shkruar i pari i vendit.























