Haxhimusa vendos derbin, fiton Flamurtari, s’ka gola në Klinë

Haxhimusa vendos derbin, fiton Flamurtari, s’ka gola në Klinë

Drita ka triumfuar në derbin më të madh në vendin tonë, kundër rivalit lokal, Gjilanit, me rezultat 2-0, të dielën në javën e parë të pjesës së dytë të garave.

Ballafaqimi i dy rivalëve të qytetit të Gjilanit, është zhvilluar në një atmosferë të zjarrtë të krijuar nga “Intelektualët” dhe “Skifterat”.

Rrjetat heshtën në fraksionin e parë, edhe pse të dy skuadrat provuan që të vijnë deri të goli, madje, katër herë u qëlluan shtyllat, megjithatë, ekipet shkuan në pushim me rezultatin e bardhë.

Pjesa e dytë ishte edhe më e zjarrtë, sidomos nga ana e skuadrës bardhekaltër të cilët përmes Betim Haxhimusës që ishte njeriu i ndeshjes duke shënuar dygolësh në minutën e 65-të dhe 79-të.

Ndërkohë pa gol është mbyllur sfida mes Dukagjinit dhe Llapit, derisa Flamurtari mundi Trepçën ’89, me rezultat 4-3, në një ndeshje me plot gola.

Maxhuni (14’), Zeqaj (39’), Kelmendi (40’) dhe Gucev (78’), shënuan për kuqezinjtë, kurse, për “minatorët” realizuan Manaj (32’), Emini (54’) dhe Hoti (61’).