19:38 / 03.03.2020
Publikohet fotografia e takimit Thaçi – Vuçiq në Shtëpinë e Bardhë
Hashim Thaçi dhe Aleksandër Vuçiq në SHBA u takuan në prani të shefit të Sigurisë Kombëtare të SHBA-ve, Robert O’Brien dhe Të Dërguarit Special të presidentit Donald Trump për dialogun Kosovë – Serbi, Richard Grenell.
Këshilli për Sigurinë Kombëtare i Shteteve të Bashkuara të Amerikës ka publikuar në Twitter fotografinë e takimit të presidentit të Kosovës dhe presidentit të Serbisë në SHBA.
Në postimin e NSC në Twitter ndër të tjera shkruhet se marrëdhëniet Kosovë – Serbi janë të rëndësisë së veçantë për administratën e Trumpit.
Presidenti i Kosovës Hashim Thaçi për takimin e tij me presidentin serb, Aleksandër Vuçiq ka kërkuar raportim në Kuvendin e Kosovës për ditën e nesërme.























