13:11 / 04.03.2020
Osmani i kthen përgjigje Thaçit: Kërkesa juaj shqyrtohet vetëm pas 9 marsit
Kryetarja e Kuvendit, Vjosa Osmani i është përgjigjur kërkesës së presidentit Thaçi që t’i raportojë Kuvendit për takimin në Shtëpinë e Bardhë dhe takimet e tjera në Uashington
Në letrën e kryetares së Kuvendit thuhet se “në përputhje me praktikat e mëhershme, të ndërtuara tashmë nga presidentët që kanë shërbyer para jush, kërkesa për t’iu adresuar Kuvendit duhet të dërgohen disa ditë më herët, në mënyrë që Kuvendi i Kosovës të ketë kohë të mjaftueshme për ta organizuar seancën”.
Po ashtu në letrën dërguar presidentit Thaçi, Osmani ka njoftuar se Kuvendi deri më datën 9 mars ka disa seanca të parapara dhe se kërkesa e tij do të shqyrtohet nga Kryesia e Kuvendit, tek pas datës 9 mars.
























