Video- Komunat e Veriut i zbatojnë vendimet e Vuçiqit
BKT
Lajme

Video- Komunat e Veriut i zbatojnë vendimet e Vuçiqit

Besian Beha

Lëvizjet në orët e mbrëmjes janë të pakta. Kjo është gjendja në komunat veriore të Kosovës.

Atje po zbatohet vendimi i Qeverisë serbe, që të mos ketë lëvizje nga ora 20:00 deri në 5 të mëngjesit, për ta parandaluar përhapjen e virusit Korona.

Për dallim nga mbrëmja, gjatë ditës në Mitrovicën Veriore ka më shumë lëvizje.

Pavarësisht se nuk flasin para kamerës, serbët e kësaj ane e pranojnë që pas orës 20:00, nuk preferojnë të dalin.

Se vendimet e Qeverisë së Serbisë po zbatohen në Veri, e pranojnë edhe shqiptarët.

Por, që disa thonë se reduktimi i lëvizjes po bëhet si masë mbrojtëse ndaj Koronavirusit.

Madje, dikush thotë se kjo periudhë po shfrytëzohet edhe për të bërë biznes me shitjen e miellit.

Kryetari paralel i Mitrovicës së Veriut, nuk e ka cilësuar këtë masë si zbatim të vendimit, për gjendje të jashtëzakonshme.

E nga Drejtoria e Policisë në Veri, bëjnë të ditur se zbatojnë vetëm urdhrat nga Qeveria e Kosovës.


MË SHUME NGA Lajme