09:39 / 24.03.2020
Nurellari: Vendimi i qeverisë antikushtetues
RTKlive
Analisti politik Adri Nurellari, tha se qeveria me vendimin e mbrëmshëm ka shkelur kushtetutën e Kosovës.
"Ky vendim i marrë mbrëm në mënyrë të kontrabanduar, ka shkelur kushtetutën e Kosovës. Ky vendim është shkelje flagrante e të drejtave të njeriut", tha ai sot në emisionin e mëngjesit "Mirëmëngjesi Kosovë", në Radio Televizionin e Kosovës (RTK).
Ai vlerësoi se qeveria e Kosovës ka marrë vendime më të vonshme në krahasim me vendet e rajonit.
Sipas tij, mocioni ndaj qeverisë nuk ka kthim mbrapa, pasi që është çështje kushtetuese.























