Ky është programi i nesërm në `Mirëmëngjesi Kosovë`
BKT
Lajme

Ky është programi i nesërm në `Mirëmëngjesi Kosovë`

Nesër në emisionin e mëngjesit "Mirëmëngjesi Kosovë", në Radio Televizionin e Kosovës (RTK), do të diskutohet për tema të ndryshme, për të cilat do flasin mysafirët e ftuar.

Në një lidhje të drejtpërdrejtë do të jetë Valbona Mazreku, koordinatore e grupit të vullnetarëve, e cila do të na njoftojë se si vullnetarët po ndihmojnë qytetarët.

Po në një lidhje të drejtpërdrejtë do të jetë Shaqir Palushi, afarist, i cili do të flasë për aksionet e komunitetit të biznesit për ta luftuar pandeminë.

Ruzhdi Kurtishaj, kryesues i Kuvendit të OEK-ut, do të flasë për mbështetjen e sektorit privat pas përhapjes së pandemisë COVID-19.

Hysen Hyseni, anesteziolog, do të na njoftojë për krizën me koronavirus.

Kurse në një lidhje të drejtpërdrejtë do të jetë Bali Muharremaj, kryetar i komunës së Suharekës do të flasë për moblizimin e komunës për menaxhimin e pandemisë.

Arta Agani, drejtoreshë e galerisë kombëtare, do të na njoftojë më hollësisht për ekspozitën virtuale "Artist në karantinë".

Llazar Elenovski përfaqësues special i NATO-s nga Maqedonia e Veriut  anëtare e NATO-s.

Emisioni “Mirëmëngjesi Kosovë”, përpos bisedave në studio dhe lidhjeve të drejtpërdrejta nga vende të ndryshme të Kosovës, sjellë për shikuesit edhe storie të ndryshme të përgatitura nga gazetarët e RTK-së.


MË SHUME NGA Lajme