12:46 / 19.04.2020
PSG “blindon” Neymarin, 640 mijë euro në javë
PSG nuk dëshiron assesi ta largojë sulmuesin Neymar, gjatë verës së ardhshme.
Ka raportime të shumta që Barcelona është duke u munduar ta rikthejë brazilianin në “Camp Nou”, andaj janë duke përgatitur vlerën e kërkuar prej 150 milionë euro që transferimi të funksionoi.
Mirëpo, raportimet e Daily Star thonë se PSG do t’i ofrojë Neymar kontratë të re që do ta mbajë në “Parkun e Princave” deri në vitin 2025 me vlerë 38 milionë euro për vit.
Paga e tij javore do të jetë 640 mijë euro, që do ta bëjë të vazhdojë të jetë lojtari i tretë më i paguar në botë, pas Cristiano Ronaldo-s dhe Lionel Messi-t, transmeton arbreshi.
I interesuar për kapitenin e Brazilit është edhe rivali, Real Madrid.























