Komunat prej nga vijnë 28 rastet e reja me koronavirus në Kosovë
BKT
Lajme

Komunat prej nga vijnë 28 rastet e reja me koronavirus në Kosovë

Edhe 28 raste me koronavirus janë shnëuar në Kosovë, teksa numri i përgjithshëm ka shkuar në 731.

Më së shumti të konfirmuar sot ka pasur në komunën e Rahovecit, gjithësej 14, , katër (4) raste me vendbanim në Gjilan, dy (2) raste nga komuna e Pejës (sipas vendbanimit: një (1) rast Pejë dhe një (1) rast Bllagajë), dy (2) raste nga komuna e Kaçanikut (sipas vendbanimit: një (1) rast Runjevë dhe një (1) rast Dubravë), dy (2) raste me vendbanim në Lladrovc-Malishevë, dy (2) raste me vendbanim në Zhur-Prizren, dhe me nga një (1) rast vendbanimet: Prishtinë dhe Gurrakoc-Istog.

Nga data 08 shkurt deri më 25 prill 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 6.182 mostra të dyshimta në virusin SARS-CoV-2 dhe prej tyre pozitive rezultojnë gjithsej shtatëqind e tridhjetë e një (731) raste, ndërsa gjithsej njëzet (20) raste kanë ndërruar jetë dhe të cilët kanë pasur sëmundje të tjera shoqëruese.

Po ashtu, pak orë më parë nga Klinika Infektive në Prishtinë u konfirmua edhe  vdekja e pacientit të 20-të nga koronavirusi në Kosovë. 

 

 


MË SHUME NGA Lajme