15:44 / 28.04.2020
Europarlamentari kërkon që Pacollit t’i lejohet pjesëmarrja në seancë
Europarlamentari Ilhan Kyuchyuk, anëtar i Aleancës së Liberalëve dhe Demokratëve të Evropës ka reaguar për situatën e fundit të krijuar në Kosovë për kthimin e deputetit, Behgjet Pacolli, dhe insistimit të autoriteteve kosovare për karantinimin e tij.
Ai ka shpërndarë postimin e Pacollit ku shkruan se qeveria Kurti nuk po e lejon kthimin e tij në Kosovë për të marrë pjesë në seancën e Parlamentit.
Në të njëjtin postim, europarlamentari ka dhënë një mesazh të qartë se është shumë e rëndësishme që pavarësisht krizës me koronavirusin, demokracia të funksionojë në Kosovë.
“Është shumë e rëndësishme që pavarësisht krizës me koronavirusin, demokracia të funksionojë në Kosovë”, ka shkruar ai në Twitter.
























