Vetëvendosje thotë se protesta e planifikuar për 2 maj shtyhet
Nuk do të ketë protestë më 2 maj tash pas fjalës së Gjykatës Kushtetuese, ku është pezulluar përkohësisht vendimi i djeshëm i presidentit të Kosovës, Hashim Thaçit, që përmes një dekreti e ka mandatuar Avdullah Hotin për kryeministër.
Kështu ka njoftuar Sekretarja Organizative e Lëvizjes Vetëvendosje, Vlora Haxhimehmedi.
Postimi i plotë në Facebook:
Masa e shtyn protestën
Të dashur anëtarë të Lëvizjes,
Tash e disa javë është bërë presion i madh nga aktivistë e qytetarë për të dalë në protesta. Kjo u shtua sidomos dje pas paralajmërimit për seancë të jashtëzakonshme për të shtunën me 2 maj. Mirëpo, masa e përkohshme e vendosur nga Gjykata Kushtetuese sot, sigurisht se e shtynë protestën. Ndërkohë, puna e përditshme dhe përgatitjet tona vazhdojnë.
Ju përshëndes.
Vlora Haxhimehmedi
Sekretare Organizative























