23:01 / 06.05.2020
Lazio kujton golin që Cana e shënoi para tetë vitesh
Lazio ka kujtuar sot golin fantastik të ish-kapitenit të Shqipërisë, Lorik Cana në sfidën e 6 majit të vitit 2012 Atalanta-Lazio, e fituar nga bardhekaltrit me rezultatin 0-2.
Ish-mbrojtësi kuqezi mori topin dhe duke dribluar disa prej kundërshtarëve dhe më pas shkarkoi të djathtën e tij nga jashtë zone duke shënuar një gol përrallor, i cili mbylli takimin me fitoren e kryeqytetasve.
Cana luajti 4 sezone me Lazion (2011-2015) duke regjistruar 111 ndeshje dhe 4 gola. Me bardhekaltrit Cana fitoi dhe Kupën e Italisë në vitin 2013.























