12:22 / 10.05.2020
Ylli i Atalantës po lufton me jetën
Lojtari i ri i Atalantës, Andrea Rinaldi, po lufton me jetën pas një problemi në tru.
Ai ka marrë një goditje në tru në formën e hemoragjisë dhe gjendja e tij nuk është aspak mirë. Futbollisti 19-vjeçar ra në gjendje kritike të premten dhe ndodhet në kujdesin intensiv të mjekëve. Rinaldi është i shtruar në spitalin e Vareses.
Ai është klasifikuar si një pacient në gjendje shumë të rënduar, pavarësisht se nuk ka vdekur.
Mesfushori po luan si i huazuar te Legnano që luan momentalisht në grupin B të Serie D, raporton EO.
Kampionati i tij është pezulluar, por duket se Rinaldi po luan ndeshjen e tij më të rëndësishme, atë me jetën!























