Zëdhënësi i Qeverisë i përgjigjet Hazirit për ‘listën e zezë” të vizave
BKT
Lajme

Zëdhënësi i Qeverisë i përgjigjet Hazirit për ‘listën e zezë” të vizave

Nënkryetari i Lidhjes Demokratike të Kosovës, Lutfi Haziri, mbrëmë tha se Kabineti i Qeverisë Kurti ishte në listë të zezë sa iu përket vizave nga Shtetet e Bashkuara të Amerikës. E për këto deklarata të Hazirit ka reaguar zëdhënësi i Qeverisë, Përparim Kryeziu.

Kryeziu ka shkruar në Facebook se deklaratat e Hazirit nuk qëndrojnë.

Nënkryetari i Lidhjes Demokratike të Kosovës (LDK), njëherit Kryetar i Komunës së Gjilanit, z. Lufti Haziri,

“Kabineti i Qeverisë Kurti, pjesë e së cilit, i kujtojmë z. Hazirit se janë edhe ministrat nga LDK-ja, nuk ka kufizime të tilla. Ministrat e kabinetit dhe Kryeministri Kurti nuk janë pjesë e asnjë liste të zezë nga Ambasada e Shteteve të Bashkuara të Amerikës në Kosovë, për më tepër Kryeministri Kurti veçse ka vizë amerikane valide”, ka shkruar Kryeziu.

Nënkryetari i LDK’së ka thënë se kabineti i Qeverisë Kurti është në listë të zezë sa u përket vizave nga SHBA.

“I gjithë kabineti ka qenë, është nën kufizime, dhe ministrat e kabinetit janë në listë të zezë, që nuk marrin viza, nuk mund të marrin viza udhëtimi për në Amerikë”, ka thënë Haziri mbrëmë në një intervistë për Reporterin.


MË SHUME NGA Lajme