13:36 / 30.05.2020
Ramsey: Ndihem mirë që sezoni do rifillojë
Mesfushori i Juventusit, Aaron Ramsey ka thënë se ndihet mirë që është marrë vendimi për rifillimin e sezonit.
Uellsiani gjatë tërë kohës së pandemisë qëndroi në Torino duke hequr dorë nga rikthimi në vendlindje.
Ndërsa, ka thënë se është i lumtur që janë rikthyer në fushë dhe që do përfundojnë sezonin deri në fund.
“Ndihemi shumë mirë. Jemi rikthyer në fushë dhe ka qenë mirë. Italia u mbyll, andaj vendosa të mbetem këtu”.
“Jam i lumtur që sezoni do rifillojë. Besoj se të gjitha hapat janë të duhur dhe gjithçka ka nisur t’i rikthehet normalitetit”.
“Është e drejtë që të fillojmë përsëri. Do luajmë me dyer të mbyllura dhe pa tifozë”, theksoi ai.
Kujtojmë që ndeshjet e Seria A do rinisin me 20 qershor.























