17:29 / 30.05.2020
Werderi fiton, Rashica asiston
Werder Bremen ka marrë tri pikë të arta në ‘luftën’ për ekzistencën në Bundesligën gjermane.
Bremen mundi në udhëtim Schalken, me rezultat 0-1, në kuadër të kësaj fundjave në elitën e futbollit gjerman.
Bittencourt në minutën e 32-të shënoi golin e fitores për Werderin pas asistimit te Milot Rashicës.
Reprezentuesi kosovar edhe në këtë duel ishte titullar. Ai u zëvendësua në minutën e 58-të.
Pas kësaj fitore, Bremen ka 25 pikë dhe renditet në pozitën e parafundit, kurse, Schalke është e 10-ta me 37 pikë të grumbulluara.























