Hoti: Dialogu me Serbinë vetëm në bazë të Kushtetutës
BKT
Lajme

Hoti: Dialogu me Serbinë vetëm në bazë të Kushtetutës

Kryeministri i Kosovës, Avdullah Hoti, sot ka prezantuar platformën e tij për dialogun Kosovë Serbi.

(E plotësuar) Kreu i ekzekutivit tha se dialogu do të zhvillohet në bazë të Kushtetutës se Kosovës dhe se këtë të fundit do ta udhëheqë kryeministri i vendit.

Sipas Hotit, tri janë parimet kryesore të dialogut, integriteti territorial i Kosovës.

“Do të jetë i panegociushëm, në marrëveshjen për njohje reciproke, organizimi Kushtetues dhe shtetëror i Kosovës është i padiskutueshëm dhe marrëveshja që do të arrihet duhet të jetë në frymën e kushtetutës”, tha ai.

Kurse synimet e këtij dialogu Hoti tha se janë, njohja reciproke e cila siguron ulësen ne OKB dhe njohjen nga 5 vendet e BE-së, adresimi i çështjeve të hapura në mes dy vendeve dhe të shfuqizohet rezuluta 12 44.

Hoti tha se do të krijohet një forum i cili do të informohet për progresin e dialogut.

Po ashtu tha se do të krijohet këshilli i ekspertëve për dialog.

Ndërsa kryetari i Akademisë së Shkencave, Mehmet Kraja po vlerëson se bazë e dialogut me Serbinë duhet të jetë Kushtetuta e Kosovës, derisa theksoi se ajo që i ka munguar procesit të dialogut ka qenë paqëndrueshmëria e gatishmërisë së Kosovës.


MË SHUME NGA Lajme