15:52 / 12.06.2020
Brahimaj: Dita e Çlirimit shënon realizimin e ëndrrës stërgjyshore
Gjenerali i UÇK-së, Lahi Brahimaj, me rastin e ditës së çlirimit të Kosovës, tha se kjo ditë nuk mund të arrihej pa betejat e përgjakshme të trimave të UÇK-së dhe miqëve ndërkombëtar.
Brahimaj në rrjetin social facebook ka ndarë disa kujtime përmes fotografive gjatë rrugës për liri.
Ky është shkrimi i plotë:
“Dita e Çlirimit shënon realizimin e ëndrrës stërgjyshore. Kjo ditë nuk mund të arrihej përpos me betejat e përgjakshme të trimave të Ushtrisë Çlirimtare të Kosovës dhe ndihmës nga ajri të aleatëve ndërkombëtarë.
Përgjithmonë falënderues e të përulur para sakrificës së të rënëve për liri. Kosovë, Urime Dita e Çlirimit! “
























