22:04 / 17.06.2020
Vetëvendosje në Maqedoni, Ahmeti e quan të pashëndetshme
Kryetari i BDI-së, Ali Ahmeti nuk e ka mirëpritur idenë e Lëvizjes Vetëvendosje që të ketë shtrirje si subjekt partiak edhe në Maqedoninë e Veriut.
Ai e ka cilësuar si jo të shëndetshme themelimin e Vetëvendosjes edhe në Maqedoninë e Veriut, njofton Klan Kosova.
””Deri tani kemi pasur gjashtë parti në Maqedoni. Copëtohet elektorati shqiptar”...Nuk mendoj që do të ishte e shëndetshme”, ka theksuar ai.
”Dua si nga Prishtina ashtu edhe nga Tirana, le t’më thonë që ”këtu e ke gabim”. Unë kam bashkëveprimtar, çdo gjë mund t’ma thonë – kam mendimet e mia dhe nuk hidhërohem”.
”Por jo ama të punojnë pas shpine”.
”Do më irritonin dhe dëshpëronin nëse më punojnë pas shpine – le t’ma thonë hapur. Që nga vitet ’80-të, kam punuar, dhe nuk janë pak vite”.























