Sot mbahen punimet e Sesionit Plenar të SEECP
Këtë vit, për herë të parë, Kosova kryeson Asamblenë Parlamentare të Procesit të Bashkëpunimit të Evropës Juglindore (SEECP).
Javën e kaluar, më 19 qershor 2020, Kuvendi i Republikës së Kosovës filloi punimet online të Asamblesë Parlamentare të (SEECP) me organizimin e konferencës ndërkombëtare, “Të jesh në hap me Evropën”, për të vijuar me sesionin e Komisionit Qendror të Asamblesë Parlamentare të SEECP, e cila u mbajt të shtunën më 20 qershor 2020.
Pas dy ditësh të suksesshme pune, të mërkurën, më 24 qershor 2020, do të mbahet Seanca e 7-të Plenare e Asamblesë Parlamentare të SEECP të cilën e kryeson Kryetarja e Kuvendit të Republikës së Kosovës, Dr. Vjosa Osmani.
Punimet fillojnë në ora 09:30 dhe do të zgjasin deri në ora 16:00.
Programi:
1. Miratimi i Agjendës
2. Fjala hyrëse nga Presidentja e AP SEECP Dr Vjosa Osmani Sadriu
3. Diskutimi i folësve / drejtuesve të delegacioneve për temën e Seancës së 7-të Plenare të PA SEECP: "Perspektivat e bashkëpunimit rajonal në epokën pas pandemisë: koha për një integrim më të madh?
4. Fjalime nga organizata rajonale dhe ndërkombëtare
5. Prezantimi dhe miratimi i dokumenteve të Komiteteve të Përgjithshme
6. Diskutim rreth selisë së Sekretariatit të Përhershëm
7. Miratimi i Deklaratës Përfundimtare
8. Të tjera
Punimet e sesionit plenar do të transmetohen në televizionin publik, në ueb faqen e Kuvendit dhe në kanalin zyrtar të Kuvendit në Youtube, nëpërmjet Livestream.
Punimet e konferencës do të jenë në gjuhën angleze (gjuhë zyrtare e SEECP).























