Rama për aktakuzën ndaj Thaçit e Veselit: S`gjej fjalë për indinjatën
BKT
Lajme

Rama për aktakuzën ndaj Thaçit e Veselit: S`gjej fjalë për indinjatën

Kryeministri i Shqipërisë, Edi Rama, ka reaguar pas ngritjes së aktakuzës ndaj presidentit të Kosovës, Hashim Thaçit dhe liderit të PDK-së, Kadri Veselit.

Ai ka thënë se do të shkruaj nesër rreth kësaj ngjarje. 

Reagimi i plotë:

Qëkur e kam marrë lajmin e listës së Tribunalit Special dhe kam lexuar emrat e kriminelëve të supozuar të Luftës Çlirimtare të Kosovës, përpiqem po nuk arrij të formuloj fjalitë e duhura për të shprehur indinjatën time!

Do të shprehem publikisht nesër me një mesazh për të gjithë shqiptarët, por jam e do të jem deri në fund, në krah të të gjithë atyre që luftuan me armë për ta çprangosur Kosovën e burgosur në ferrin e Sllobodan Milosheviçit, duke mbyllur me gjak, nder e lavdi një histori padrejtësie historike në zemër të Europës!

RROFTË KOSOVA dhe sot më shumë se kurrë NDERIM UDHËHEQËSVE TË LUFTËS ÇLIRIMTARE


MË SHUME NGA Lajme