11:57 / 29.06.2020
Daut Haradinaj uron Luanin për diplomimin në FSK
Sot, në Kazermën “Adem Jashari”, kanë diplomuar 15 kadetë të rinj të Forcës së Sigurisë së Kosovës, gjenerata 2020.
Mes të diplomuarve të rinj, është edhe Luan Haradinaj, i biri i dëshmorit dhe heroit, Shkëlzen Haradinaj.
Shefi i Grupit Parlamentar të Aleancës për Ardhmërinë e Kosovës, Daut Haradinaj, i ka uruar diplomimin Luanit.
“Urime diplomimi Luan bashkë me shokë. Paçit guximin e Shkëlzenit, e jo fatin e tij”.
Në ceremoninë e diplomimit të kadetëve të rinj, prezent ishin shumë personalitete të ndryshme publike.
























