Kryeministri Rama takoi kryetarin e LDK-së, Isa Mustafën
BKT
Lajme

Kryeministri Rama takoi kryetarin e LDK-së, Isa Mustafën

Kreu i LDK-së, Isa Mustafa ka pritur në takim kryeministrin shqiptar, Edi Rama, i cili po qëndron për vizitë në Kosovë.

Ky takim është duke u mbajtur në shtëpinë e Mustafës, në Prapashticë.

“NË PRISHTINË – Me Isa Mustafën, Kryetarin e Lidhja Demokratike të Kosovës”, ka shkruar Rama sipër fotos në Facebook.

Ndërkohë, Rama gjatë ditës do të zhvillojë takim edhe me kryetarin e AKR-së, Behgjet Pacolli, dhe kryetarin e Prishtinës, Shpend Ahmeti.

Në fund të vizitës së tij në Kosovë, Rama pritet të mbajë edhe një konferencë për media.

Vizita e Ramës në Kosovë vjen pasi Gjykata Speciale publikoi propozim-aktakuzën ndaj presidentit Hashim Thaçi dhe kryetarit të PDK-së Kadri Veseli për kinse krime lufte.


MË SHUME NGA Lajme