Ahmetin e fton Gjykata Speciale, ai thotë se do t`i përgjigjet
Kryetari i Bashkimi Demokratik për Integrim, Ali Ahmeti, ka njoftuar se është ftuar nga Gjykata Speciale.
Përmes një postimi në Facebook Ahmeti ka thënë se do t’i përgjigjet kësaj ftese.
Njoftimi i plotë:
Të nderuar qytetarë,
sundimi i ligjit dhe arritja e drejtësisë së mirëfilltë joselektive, vendore dhe ndërkombëtare, janë synim dhe detyrim i imi i përhershëm në të gjithë veprimtarinë time.
Andaj, ju njoftoj që Dhomat e specializuara të Republikës së Kosovës, gjegjësisht prokuroria speciale e Kosovës, më ka ftuar në cilësinë e dëshmitarit dhe pa hamendje kam pranuar ftesën si dhe kam vendosur kontakt konstruktiv dhe bashkëpunues me zyrtarët në Hagë.
Gjithëmonë kam qenë ithtar i drejtësisë joselektive dhe jam në dispozicion të tërësishëm të organeve të drejtësisë për ta dëshmuar qiltërsinë e luftës çlirimtare të popullit shqiptar përballë gjenocidit të regjimit serb të Millosheviçit.























