Thaçi: E dhimbshme të shohësh sa është dëmtuar puna e bujqve tanë

Thaçi: E dhimbshme të shohësh sa është dëmtuar puna e bujqve tanë

Presidenti i Kosovës Hashim Thaçi, ka shprehur shqetësimin dhe dhimbjen e tij karshi dëmeve të kulturave bujqësore, si pasojë e motit të ligë që po merr sot në vendin tonë.

Thaçi tha se Kosova duhet të bëjë më shumë për bujqit dhe bujqësinë.

Njoftimi i plotë:

Shumë e dhimbshme të shohësh sa është dëmtuar puna e bujqve tanë, djersa dhe mundi i tyre, dje dhe sot, pas breshrit dhe rrebesheve të shiut në vendin tonë. Nuk është aspak e lehtë të merresh me bujqësi, veçanërisht pasi rreziku nga fatkeqësitë natyrore i kanoset gjithnjë sektorit.

Një dëm sezonal, bujqve tanë shpeshherë ua bënë të pamundur mbijetesën biznesore apo edhe punimin e tokës së tyre në sezonin e ardhshëm. Prandaj, Kosova duhet të bëjë më shumë për bujqit dhe bujqësinë. Duhet të bëjë më shumë për njerëzit tanë të vyeshëm dhe për këtë sektor jetik për ekonominë tonë. HTH

 


MË SHUME NGA Aktuale