22:50 / 05.09.2020
Liga e Arabëve dënon vendimin e Kosovës dhe Serbisë për ambasadat
Sekretari i Përgjithshëm i Ligës Arabe, Ahmed Aboul Gheit e ka dënuar sot vendimin që Serbia dhe Kosova të hapin ambasadat e tyre në Jerusalem të Izraelit.
Sipas tij, ky vendim duhet të shpallet i pavlefshëm, transmeton Indeksonline.
Në një deklaratë të dhënë sot, Gheit tha se ky vendim është në kundërshtim me vendimin e Kombeve të Bashkuara, të drejtën ndërkombëtare dhe rezolutën e Këshillit të Sigurimit, transmeton Indeksonline.
Sipas tij, vendet janë të ndaluara të vendosin ambasada në Jerusalem pasi ky vend cilësohet si i okupuar.























