Hoti-Netanyahut: Qeveria ime e përkushtuar të hapë ambasadën në Jerusalem
BKT
Lajme

Hoti-Netanyahut: Qeveria ime e përkushtuar të hapë ambasadën në Jerusalem

Kryeministri i Kosovës, Avdullah Hoti, i ka kthyer përgjigje Benjamin Netanyahut, homologut të tij të Izraelit, duke i thënë se e mirëpret marrëveshjen për hapjen e ambasadës në Jerusalem.

“Faleminderit Z. Netanyahu! Qeveria ime është e përkushtuar të hapë ambasadën në Jerusalem, të vendosë marrëdhënie diplomatike dhe të thellojë marrëdhëniet dypalëshe”, ka shkruar Hoti në Twitter drejtuar Netanyahut.

Shefi i Qeverisë së Izraelit ka thënë se e mirëpret marrëveshjen me Kosovën për vendosje të marrëdhënieve diplomatike dhe hapjen e ambasadës në Jerusalem.

“Javë e mirë! E mirëpres marrëveshjen me Kosovën që do të bëhet shteti i parë mysliman që do ta hapë ambasadën në Jerusalem. Serbia do të jetë shteti i parë që do të hapë ambasadë në Jerusalem – pas përparimit historik me Emiratet e Bashkuara Arabe”, ka thënë ai.


MË SHUME NGA Lajme