21:10 / 07.09.2020
Hasani komenton marrëveshjet e arritura në Shtëpinë e Bardhë
Ish-kryetari i Gjykatës Kushtetuese Enver Hasani ka folur rreth marrëveshjeve të arritura në Shtëpinë e Bardhë.
“Jam shumë i sigurt që kjo marrëveshje paraqet hapin më të qëlluar gjeostrategjik që kanë bërë lidershipi i Kosovës dhe institucionet e vendit pas shpalljes së pavarësisë së Kosovës. Ky është një hap me rëndësi kolosale gjeostrategjike dhe atë për disa arsye’, tha Hasani i ftuar në emisionin ‘Pressing” në T7.
“E para, së paku për një kohë të pacaktuar thuajse ka bërë të pamundur çështjen e shkëmbimeve territoriale’, shpjegoi Hasani.























