Grenell deklaratën e Kurtit për Ujmanin e quan kritikë të çmendur
BKT
Lajme

Grenell deklaratën e Kurtit për Ujmanin e quan kritikë të çmendur

I dërguari Special i Shtëpisë së Bardhë për dialogun Kosovë-Serbi Richard Grenell është shprehur shumë krenar për arritjen e marrëveshjes ekonomike në mes të Kosovës dhe Serbisë në Shtëpinë e Bardhë.

Kritikat i quan me natyrë politike derisa thekson se koha do të tregojë se marrëveshja ishte e duhura.

“Kjo është një kritikë krejtësisht e çmendur, s’do t’i jepja aq shumë rëndësi. Zbatimi po vjen është një ditë e madhe, një proces i madh, politikanët do të jenë politikanë dhe do të jenë kritik, është në rregull kjo. Ne jemi shumë krenar për këtë marrëveshje, do të shihni se këto s’janë fjalë të zbrazëta” tha Grenell.

“Unë e kuptoj që njerëzit politikë dëshirojnë që të jenë politikë dhe të jenë kritikë. Ne jemi super krenarë për këtë marrëveshje dhe me kalimin e muajve dhe viteve do ta shihni që këto nuk janë deklarata boshe”, theksoi ai.

Ndryshe, me marrëveshjen e nënshkruar në Shtëpinë e Bardhë, Kosova është pajtuar që brenda një viti të mos kërkojë anëtarësim në organizata ndërkombëtare, kurse Serbia në anën tjetër, është pajtuar që brenda një viti të ndalë fushatën për çnjohjen e pavarësisë së Kosovës.

Në bazë të marrëveshjes, Kosova do t’i bashkohet “zonës së mini-Schengenit”, që është krijuar më 2019 dhe ku tashmë marrin pjesë, Serbia, Shqipëria dhe Maqedonia e Veriut.

 

Në marrëveshje gjithashtu përmendet edhe Liqeni i Ujmanit, ku thuhet se palët do të punojnë me Departamentin amerikan të Energjisë për një studim fizibiliteti, me qëllim të përdorimit të përbashkët të këtij liqeni, si furnizues i sigurt i ujit dhe energjisë.

Thuhet edhe se Kosova dhe Izraeli e pranojnë njëra tjetrën, dhe se Serbia do ta zhvendos ambasadën nga Tel Aviv në Jerusalem.


MË SHUME NGA Lajme