18:26 / 24.09.2020
Gucati: Arrestimi i Mustafës-Cali, ditë e zymtë
Në emisionin "Imazh" të RTK-së, Hysni Gucati, kryetar i OVL të UÇK-së, foli për arrestimin e Sali Mustafës-Cali, ish- epror i FSK-së.
Duke folur për veprimtarinë atdhetare të Sali Mustafës-Cali, para, gjatë dhe pas luftës në Kosovë, Gucati shprehu habinë se si është e mundur që ky njeri të merret në arrest sërish, kur dihet se ai ka qenë i burgosur nga pushteti i Millosheviqit nga viti 1992 deri më 1997.
Ai shprehu bindjen se edhe ky arrestim i sotëm ka qenë i bazuar në dosjet e përpiluara nga gjykatat serbe. Prandaj kjo neve na brangosë më së tepërmi.
“Ne jemi për një drejtësi të mirëfilltë, por jo për një drejtësi selektive, ku persekutohen pjesëtarë të një etnie”, deklaroi Gucati. RTKLive























