Gjuriq i reagon Çitakut, Serbia e përkrah punën e Speciales
Marko Gjuriq i ka reaguar ambasadores së Kosovës në SHBA, Vlora Çitaku në lidhje me kritikat që pati kjo e fundit për bashkësinë ndërkombëtare dhe heshtjen e saj për sjelljen e Serbisë karshi viktimave kosovare të gjenocidit serb.
Çitaku më herët me anë të një postimi në Twitter dhe Facebook tha se heshtja e ndërkombëtarëve ka qenë “shurdhuese”, shkruan lajmi.net.
Në këtë kontekst, ajo përmendi deklaratat e fundit të ministrave Ivica Daçiq e Aleksander Vulin.
E Gjuriq iu përgjigj duke ia përmendur edhe Specialen. Këtë të fundit, madje tha se Serbia e përkrah.
“Për një gjë ne pajtohemi, heshtja e bashkësisë ndërkombëtare është vërtet shurdhuese – 20 vjet pa drejtësi për mijëra serbë të vrarë dhe “të pastruar etnikisht” nga Kosova, qindra kisha të krishtera të djegura. Mbështetje e plotë për dhomat e posaçme të Hagës për krimet e luftës të UÇK-së”, ka shkruar Gjuriq.























