Hatem Ben Arfa rikthehet në Francë tek Bordeaux
BKT
Sport

Hatem Ben Arfa rikthehet në Francë tek Bordeaux

Hatem Ben Arfa do ti bashkohet klubit francez, Bordeaux si agjent i lirë ku edhe është duke kryer testet mjekësore.

Sipas “Foot Mercato” lojtari është në Francë, ku ka arritur sot për të përfunduar marrëveshjen dhe për të nënshkruar me klubin e Bordeaux.

Edhe pse afati kalimtar i transfereve është mbyllur, Ben Arfa ka të drejtë të kalojë tek klubi francez pasi që është agjent i lirë.

Sezonin e kaluar, 33 vjeçari Arfa ishte pjesë e Real Valladolidit ku bëri vetëm pesë paraqitje duke mos kontribuar me asnjë gol dhe asist për ekipin spanjoll.

Gjatë karrierës së tij, mesfushori me tipare sulmuese ishte pjesë e ekipeve si Newcastle, Paris Saint-Germain, Lyon, Marseille, Hull City, Nice, Rennes dhe sezonin e kaluar pjesë e Real Valladolid.