22:39 / 07.10.2020
Shala: Jemi të bashkuar, kemi vetëm një qëllim, fitoren
Herolind Shala thotë se Kombëtarja e Kosovës ka vetëm një qëllim në ndeshjen ndaj Maqedonisë, fitoren.
‘Dardanët’ të enjten mbrëma zhvillojnë gjysmëfinalen e Play Off të Ligës së Kombeve ndaj Maqedonisë në Shkup.
Mesfushori Herolind Shala, në rrjetet sociale ka thënë se është gati për këtë ndeshje, duke premtuar gjithçka për fitoren e Kosovës.
“Gati, të bashkuar për vetëm një qëllim, fitoren. Do të japim çdo gjë nga vetja për t’iu gëzuar”, ka shkruar Shala, përcjell lajmi.net.
Ndeshja mes Maqedonisë dhe Kosovës luhet nga ora 20:45.























