Zemaj: Nga sot trefishohet kapaciteti testues
BKT
Lajme

Zemaj: Nga sot trefishohet kapaciteti testues

Ministri i Shëndetësisë, Armend Zemaj ka thënë se nga sot do të trefishohen kapacitetet testuese dhe kjo po bëhet falë miqve dhe partnerëve ndërkombëtar.

“Sot po e fillojmë këtë ditë me dy lajme të mira, unë sa po erdha nga Instituti Kombëtar i Shëndetit Publik, ku nga sot do të trefishohen kapacitetet testuese, edhe kjo ndihmë në mbështetjen nga miqtë dhe partnerët ndërkombëtar, këtu po pranojmë 15 respirator të vlefshëm, i cili i bashkëngjitet kontingjentit për ndihma të donatorëve dhe pjesa tjetër e angazhimit të përbashkët do të jetë ngritja e kapaciteteve humane, njerëz të cilët do t’i përgatisin profesionistët të rijnë, edhe në përdorimin e këtyre pajisjeve të avancuara”, ka thënë Zemaj.

Zemaj ka porositur qytetarët që të vazhdojnë me respektimin e masave që të mbahet në kontrolle situata pandemike.

Ushtruesi i Detyrës së Drejtorit të Përgjithshëm të ShSKUK-së, Valbon Krasniqi ka garantuar ambasadorin e Gjermanisë, Jorn Rohde se respiratorët e dhuruar do të përdoren për qëllimin e destinuar.

Qendrës Klinike Universitare të Kosovës i janë shtuar edhe 15 respiratorë. Këtë respiratorë u dhanë donacion nga Gjermania e që vlera e tyre është rreth 436 mijë euro.

Dhurimin e donacionit e ka bërë në mëngjesin e së enjtes ambasadori i Gjermanisë, Jorn Rohde, ku i pranishëm ishte edhe ministri i Shëndetësisë, Armend Zemaj dhe ushtruesi i detyrës së Shërbimit Kliniko Universitar të Kosovës (ShSKUK), Valbon Krasniqi.


MË SHUME NGA Lajme