06:03 / 13.10.2020
Miroslav Lajçak sot do të vizitojë Kosovën
Përfaqësuesi Special i Bashkimit Evropian për dialogun Kosovë-Serbi dhe Çështje të tjera Rajonale të Ballkanit Perëndimor, Miroslav Lajçak sot do të vizitojë Kosovën.
Ai do të ketë takime me lidershpin e Kosovës.
Kryeministri i Qeverisë së Republikës së Kosovës, Avdullah Hoti pret në takim Përfaqësuesin Special të Bashkimit Evropian për dialogun Kosovë-Serbi dhe Çështje të tjera Rajonale të Ballkanit Perëndimor, Miroslav Lajçak, në orën 16:30.
Ndryshe sipas Lajçakut një marrëveshje brenda muajve e jo viteve do të ishte ideale për dy vendet, por duke marrë në konsideratë se të dy palët do të jenë të gatshme të angazhohen dhe të bëjnë kompromis.























